性价比高$10有找 新舖爆馅车轮饼!

     
美孚近年开了不少连锁店,毫无新意食到厌,等咗咁耐,宜家终于有新嘢食喇!新店车轮饼小姐,卖车轮饼,即係日本大判烧为主,开业短短两星期,已经有好多人帮衬!

好鬆软!流心爆馅车轮饼

呢间餔的车轮饼除了有红豆馅之外,还推出很多不同口味,如宇治抹茶、紫薯、香芋、黑芝麻等,唔洗净係食红豆咁乏味啦!车轮饼做得好鬆软,而且每件车轮饼都好足料!

性价比高$10有找 新舖爆馅车轮饼!
一共有9款车轮饼畀你拣!
性价比高$10有找 新舖爆馅车轮饼!
每件车轮饼都爆馅,仲有流心车轮饼!(相片提供:Instagram @Hkfoodtalk )
性价比高$10有找 新舖爆馅车轮饼!
宇治抹茶味车轮饼,抹茶味浓郁,带有回甘味,抹茶控必食!
性价比高$10有找 新舖爆馅车轮饼!
紫薯味车轮饼,紫薯蓉不会太乾身,淡淡的紫薯味配合车轮饼,味道更出众。
性价比高$10有找 新舖爆馅车轮饼!
香芋味车轮饼,香芋有少少椰香味,更有少少芋头粒,口感不错。
性价比高$10有找 新舖爆馅车轮饼!
黑芝麻味车轮饼,味道像芝麻糊一样!

必试!独有朱古力皮车轮饼!

呢度唔单止有原味蛋皮车轮饼,仲有朱古力皮车轮饼,馅料当然都唔一样啦!最受欢迎就係香蕉朱古力味车轮饼,用58%的朱古力加香蕉,一撕开成个心太软咁,好邪恶呀!另外,麻糬草莓味Oreo车轮饼,食落好烟韧好有口感。

性价比高$10有找 新舖爆馅车轮饼!
香蕉朱古力车轮饼,D朱古力流哂出嚟,好吸引!
性价比高$10有找 新舖爆馅车轮饼!
麻糬草莓味Oreo车轮饼,热食的话,麻糬会有拉丝效果!

 

情人节新口味!花生酱车轮饼

情人节将推出花生酱车轮饼,朱古力皮车轮饼内里有香蕉、炼奶、花生酱同棉花糖。花生酱带有少少咸味,正好中和返棉花糖的甜味,即使加了香蕉,亦不会觉得腻。

性价比高$10有找 新舖爆馅车轮饼!
花生酱车轮饼,花生酱加香蕉,味道都几夹!

车轮饼小姐

地址:美孚新村吉利径19号50B7舖(显示地图,樱岛麵包饼店斜对面)

营业时间:11am-11pm

电话:66871093