性价比高上海风味 Dining娜

     
text: Dining娜 photo:慈

(Presented by上海姥姥)

Dining娜作为国际级吃货,讲到食真係不遗余力,就算一掷千「蚊」都okay㗎!最近有朋友懒神秘咁话要带我去dinner date,话嗰度用茶餐厅嘅价钱,就可以食到上海餐馆嘅质素,性价比奇高!

性价比高上海风味 Dining娜原来佢想带我去「上海姥姥」新店呀!搭地铁去到坚尼地城站,B出口一出就係,又几方便喎。入到去,真係”woo”咗出嚟,第一次见上海餐馆有open bar!唔该,我想要杯豆浆on the rock吖~

性价比高上海风味 Dining娜虽然得两个人,但因为价钱真係太超值,我哋嗌咗好多嘢食……

开胃冷盘

食上海菜叫冷盘是常识吧!呢个「姥姥精选冷拼」,可以自选3个前菜,我哋拣咗鸡丝粉皮、四喜烤麸同埋扁尖荀毛豆!鸡丝粉皮非常足料,麻酱调味刚刚好;四喜烤麸就有上海菜浓油赤酱嘅风味;而扁尖荀毛豆就够晒清新开胃,真係一次过满足晒3个愿望呀!

性价比高上海风味 Dining娜
姥姥精选冷拼 $85

即製包点

上海姥姥嘅招牌菜就係……包!「招牌小笼包」比起传统18摺嘅小笼包多出4摺,睇落更加精緻。包入面嘅汤汁就用咗鸡爪冻,比传统嘅猪皮冻更健康、更鲜甜!而「姥姥生煎包」就係生煎包包住「招牌小笼包」,外面脆口,里面juicy,非常特别!

性价比高上海风味 Dining娜
招牌小笼包 $35/4
性价比高上海风味 Dining娜
姥姥生煎包 $35/3

手製拉麵

手製拉麵都係招牌菜之一,麵条够晒弹牙,汤底用新鲜猪肉、鸡骨同金华火腿熬製而成,鲜甜不腻,就咁饮都okay,配上炸得香酥金黄嘅排骨更滋味!「四川担担麵」就香浓惹味,少少麻辣够晒刺激!坚尼地城新店嘅半开放厨房仲可以见到师傅「表演」拉麵添!

性价比高上海风味 Dining娜
(前)四川担担麵 $46、(后)姥姥手製排骨拉麵 $50

惹味小菜

一场嚟到,点都要食番个小菜嘅!我今次就拣咗「黄金鱼块」,令人无法抗拒嘅鹹蛋黄,加上口感软绵嘅鱼块,好邪恶呀!

性价比高上海风味 Dining娜
黄金鱼块 $72

两个人食咗6样嘢,都係300几蚊,仲唔使加一添!性价比高到咁,Dining娜下次一定会再嚟呀~

性价比高上海风味 Dining娜

最近Dining娜睇上海姥姥facebook仲发现,原来麦玲玲同姚书轶帮佢哋拍咗一条360°C VR短片,跟着只红蝴蝶郁郁下,好得意㗎,埋嚟睇睇!